Загреб, 22 ноември 2024 (МИА) - Поранешниот хрватски министер за здравство Вили Берош, кој е во истражен затвор поради сомнение за корупција во скандалот „Микроскопи“, денеска поднесе барање до Владата за остварување на правото на „6+6“, според кое сака да да добие неговата целосна плата за следните 6 месеци и половина од платата за преостанатите 6 месеци, јави Хина.

Откако премиерот Андреј Пленковиќ го разреши од министерските должности во петокот, на 15 ноември, Берош може да одлучи дали ќе се врати на работата што ја извршуваше пред да дојде во Министерството за здравство, работејќи во КБЦ „Сестри милосрдни“ или дали ќе би земал отсуство 6+6'.
Како што јави Хина, тој одлучил да не се враќа на работа во болница.

„Поранешниот министер Берош беше вработен во КБЦ Сестри милосрдни пред да ја преземе функцијата. Според тоа, тој според Законот има право во рок од 15 дена да поднесе барање за враќање на работа во таа институција. Но, бидејќи поранешниот министер Берош поднесе барање за остварување на правото на '6+6', јасно е дека не сака да го исцрпи правото на враќање кај претходниот работодавач и има право на надоместок на плата според принципот „6 + 6“ согласно член 15 од Законот за обврските и правата на државните функционери“, одговорија од Владата на Хрватска.
Велат дека Владата ќе го одобри барањето тој прво во првите шест месеци да може да ја добива целосната плата што ја земал како министер, а потоа половина од таа сума за следните шест месеци.

Берош навел дека како министер добивал 2.650 евра месечно, но таа информација е од јануари, а Владата после тоа ги зголемила платите на функционерите. Така Берош заработувал околу 4.000 евра месечно.

Барањето го испрати до Владата и откако го испрати барањето до Собранието за активирање, но и за истовремено замрзнување на пратеничкиот мандат. зш/