Белград, 22 ноември 2024 (МИА) - На саемот во Белград денеска беше отворен меѓународниот саем за вино, храна и туризам „Винска визија на Отворен Балкан“, каде до 24 ноември се претставени повеќе од 650 винарии, дестилерии и гастрономски компании од 38 земји.

На отворањето на третиот „Вински визии на Отворен Балкан“ присуствуваа претседателот на Србија Александар Вучиќ и претставници од регионот - премиерот на Северна Македонија Христијан Мицкоски, српската членка на Претседателството на БиХ Жељка Цвијановиќ, претседателот на Република Српска Милорад Додик, градоначалникот на Љубљана Зоран Јанковиќ, како и српски министри.

Вучиќ рече дека идејата за организирање на Саем на виното настала како заклучок на Белград, Скопје и Тирана.
„Има говорници дури и од САД, Австралија, Јужна Африка, Либан, Мексико, се разбира Франција, Холандија, Обединетото Кралство, Тунис, Уганда. Огромен број говорници се од Италија, огромен број од оние кои дојдоа од Народна Република Кина, брокери, купувачи...“, рече Вучиќ.

Христијан Мицкоски рече дека Саемот на виното е доказ за соработка, визија и посветеност на земјите од Отворениот Балкан за подобрување на економските врски, културните размени и туристичките промоции.

Виното е, според неговите зборови, културното наследство на Европа.

„Виното е многу повеќе од производ. Тоа е симбол на нашата историја, држава, најмногу меѓу луѓето кои носат разбирање и пријателство“, рече Мицкоски.

Жељка Цвијановиќ рече дека со право може да ги именува „заедничките визии“ и дека и е жал пшто БиХ не е дел од Отворениот Балкан.

„Многу сум среќна што денес заедно со вас можам да учествувам во споделувањето на заедничката визија која не е само вино, туку развојна визија и благодарна сум што Србија е иницијатор на вакви иницијативи“, рече таа.

Зоран Јанковиќ истакна дека дури 650 говорници докажуваат дека е најголем Саем во овој дел од Европа. Тој додаде дека тоа е шанса да се сретнат луѓе од целиот свет и да видат што се случува.

Премиерот на Албанија, Еди Рама, во видео порака рече дека земјите од регионот ќе ги покажат своите достигнувања во производството на вино, ќе учат едни од други и ќе градат мостови на соработка.

 Тој додаде дека саемот стана место каде што можат да се претстават големите регионални и европски дистрибутери.

„Западен Балкан се повеќе се препознава како светски туристички бренд и Албанија е многу горда на нејзиниот придонес во него. Верувам дека, во овој историски регион на Балканот, можеме да направиме повеќе за себе обединети отколку што би направиле поединечно. рече тој е Рама. зш/