Белград, 22 септември 2024 (МИА) - Министерот за внатрешни работи на Стрбија , Ивица Дачиќ денеска изјави дека 130 припадници на полицијата учествуваат во преместувањето на артилериска граната, останата од Првата светска војна, од локација во центарот на Белград на безбедна локација во Делиблатско песочиште, каде што ќе биде уништена.

Тој за Радио телевизија на Србија (РТС) изјави дека станува збор за артилериска граната од калибар 305 мм, тешка повеќе од 280 килограми.

Дачиќ додаде дека се надева оти нема да има компликации при извршувањето на таа акција. зш/