Вашингтон, 22 ноември 2024 (МИА) - Европската унија е подготвена да одговори доколку се појават нови трговски тензии со Вашингтон, изјави денеска амбасадорката на ЕУ во САД, два месеци пред новоизбраниот претседател Доналд Трамп да ја преземе функцијата.

Додека блокот разгледува области на соработка, доколку има трговски несогласувања „Европската унија ќе биде подготвена, всушност, да реагира“, изјави Јовита Нелиупсиен .

За време на кампањата, Трамп ги опфати тарифите од најмалку 10 проценти за увозот, во потег што може да ги поттикне тензиите со сојузниците во Европа.

Кога Вашингтон воведе царини за европскиот извоз на челик и алуминиум во вредност од 6,4 милијарди евра во 2018 година, ЕУ возврати со давачки за милијарди американски стоки.

Нелиупсиен истакна дека „ние сме тука за да изградиме силна основа на континуирана трансатлантска соработка“ во трговијата и другите области со претстојната американска администрација.

Таа ги нарече САД „кредибилен партнер“ и укажа на историската соработка на двете страни. зш/