Tokio, 4 shkurt 2026 (MIA) – Të paktën 35 persona humbën jetën, ndërsa afro 400 janë lënduar në stuhi të shkaktuara nga reshje të dendura të borës të cilat e goditën Japoninë veriore gjatë dy javëve të fundit, njoftoi sot qeveria japoneze. 

Pesëmbëdhjetë prefektura janë goditur, ndërsa bora arriti deri dy metra në zonat e goditura më rëndë. 

Numër më i madh i rasteve të vdekjes është regjistruar në prefekturën Niigata -12, duke përfshirë një burrë në moshën rreth 50-vjeçare i gjetur në çatinë e shtëpisë dhe një burrë më i moshuar i cili kishte rënë derisa e pastronte borën në qytetin Nagaoka. 

Shtatë raste të vdekjes janë regjistruar në prefekturën Akita dhe pesë në Jamagata. Numri i të lënduarve në gjithë vendin është 393, duke përfshirë 126 të lënduar rëndë, prej të cilëve 42 në Niigata. Janë dëmtuar 14 shtëpi. 

Sekretari kryesor i kabinetit, Minoru Kihara, paralajmëroi se shkrirja e borës mund të shkaktojë rrëshqitjen e dheut dhe ju bëri thirrje qytetarëve të përdorin helmeta dhe litarë gjatë pastrimit të borës. 

Autoritetet formuan disa grupe të punës që të reagojnë në zonat e goditura, ndërsa parashikimet parashohin më shumë reshje të borës gjatë fundjavës së ardhshme. fc/

Foto: Arkivi