Shkup, 21 shkurt 2024 (MIA)  -  Edhe LSDM edhe VMRO-DPMNE theksojnë se do t'i respektojnë rekomandimet e Komisionit Shtetëror Zgjedhor të cilat kanë të bëjnë me procesin zgjedhor.

Duke u përgjigjur në pyetjen e gazetarëve nëse do të udhëheqin fushatë më 24 prill në zgjedhjet presidenciale, sepse sipas KSHZ-së nuk do të ketë heshtje për zgjedhjet parlamentare në këtë ditë, deputeti i VMRO-DPMNE-së, Antonio Milloshoski theksoi se do t'i respektojnë rekomandimet e KSHZ-së edhe nëse në ato dy ditë  duhet të ketë heshtje për kandidatin për president, këtë do ta respektojnë. 

"Do t'i respektojmë rekomandimet e Komisionit Shtetëror të Zgjedhjeve edhe nëse në ato dy ditë duhet të ketë heshtje për kandidatin për president,   do ta respektojmë, pa promovuar aktivitetet e kandidatit për president të VMRO-DPME-së. Nëse lejohet  të promovohen kandidatët për deputetë,    do ta shfrytëzojmë vetëm atë të drejtë", tha Milloshoski.

Edhe deputetja e LSDM-së, Daniella Markovska theksoi se partia e saj do t'i respektojë të gjitha dispozitat ligjore që kanë të bëjnë me procesin zgjedhor.

 Në pyetjen nëse kjo do ta prishë procesin zgjedhor, Milloshoski shpreson se të bëhet ndonjë shkelje ligjore, nëse partitë me ndërgjegje i respektojnë rekomandimet e KSHZ-së.

 Edhe Markovska ka të njëjtin qëndrim si Milloshoski lidhur me këtë çështje. Edhe  këto shtatë vite kemi treguar se në asnjë moment si parti nuk e kemi prishur procesin zgjedhor deri më tani në të gjitha këto zgjedhje që kemi pasur", tha Markovska.

Foto: Arkivi i MIA-s