Shkup, 26 mars 2023 (MIA) - Në pikat e pagesës së taksës rrugore në vend vitin e kaluar është realizuar një qarkullim në vlerë prej 3.274.387.335 denarësh (53.242.070 euro), njofton Ndërmarrja Publike e Rrugëve Shtetërore (NPRSH). Të hyrat e vitit të kaluar janë 6,6 milionë euro më shumë se ato të vitit 2021, kur ishin 46,4 milionë euro.

Ndërmarrja Publike e Rrugëve Shtetërore (NPRSH) në tremujorin e dytë të këtij viti ka inkasuar taksa në vlerë prej 745.037.340 denarësh (12 milionë euro). Fondet e rikuperuara janë 20.99 për qind e totalit.

Në pikat e reja të pagesave të taksave rrugore, të lançuara më 18 korrik të vitit të kaluar, Preod dhe Kadrifakovë në aksin rrugor Milladinovc – Shën Nikollë – Shtip, arkëtimi nga këto taksa është 85.599.333 denarë, përkatësisht 72.861.770 denarë.

“Më fitimprurëse” është pika e pagesës së taksave rruga Romanovc, ku sipas të dhënave të Ndërmarrjes Publike të Rrugëve Shtetërore, qarkullimi është 400.174.788,00 denarë. Nga arkëtimi I taksave rrugore në Milladinovc janë inkasuar 266.361.767 denarë, në Gllumovë 258.299.622, në Gradsko 248.125.247 denarë, në Zhelinë 244.476.653 denarë, në Gjevgjeli 236.866.875 denarë, në Petrovec 205.967.358 denarë, në Tetovë 201.158.891.495 denarë, në Sopot 195.984.192 denarë, Otovicë 188.054.352 denarë, Demir Kapi 172.813.622 denarë dhe në Gostivar 164.536.337 denarë.

Gjatë krahasimit të qarkullimit të pikave të pagesës së taksave rrugore duhet të merret parasysh edhe çmimi i tarifave sipas kategorive, si dhe fakti se Sopoti dhe Otovica janë të vetmet që kanë pika pagese vetëm në një drejtim dhe se Preod dhe Kadrifakovë janë hapur në korrik të vitit të kaluar.

Faturimi apo arkëtimi elektronik kalon 30 për qind

Qarkullimi i realizuar nga arkëtimi elektronik i taksave rrugore përmes shitjes së pajisjeve elektronike dhe shtimit të tyre në AMC Center, nga ana tjetër, arrin në 333.106.598 denarë.

Që nga fillimi i futjes së arkëtimit elektronik të taksave rrugore, nga korriku i vitit 2019 deri më 1 mars të këtij viti, arkëtimi elektronik ka shënuar rritje konstante si në shitjen e pajisjeve elektronike ashtu edhe në rimbushjen e tyre.

Konsorciumi “JV Aselsan-Zhikol” është përzgjedhur si ofruesi më i favorshëm në tenderin e Ndërmarrjes Publike të Rrugëve Shtetërore (NPRSH) për realizimin e projektit për ndërtimin dhe instalimin e energjisë elektrike.

Për periudhën 2019 deri më tani janë shitur gjithsej 144.591 copë karta M-Smart dhe 17.412 pajisje M-Tag ose gjithsej 162.003 pajisje elektronike. Për periudhën e treguar janë bërë gjithsej 851.272 mbushje individuale të pajisjeve elektronike.

Nga NPRSH-ja thonë se pjesëmarrja e arkëtimit elektronik po rritet vazhdimisht në xhiron apo qarkullimin total të realizuar nga arkëtimi i taksave rrugore dhe tashmë kalon 30 për qind të totalit të arkëtimit, në seksionin e vendkalimeve ku funksionon arkëtimi elektronik.

Mënyra më e zakonshme e pagesës së taksave rrugore është ende me para në dorë me pak më shumë se 55 për qind të pagesave, llogaritë e pagesave elektronike për mbi 30 për qind dhe pagesa pa para me anë të kartave të pagesave përbën rreth 15 për qind të pagesave.

Në korrik të vitit 2019 është futur sistemi elektronik i faturimit të pagesave të taksave rrugore në pjesën e Korridorit 10 që kalon nëpër vend, ndërsa modernizimi është duke u zhvilluar me instalimin e një sistemi të tillë në pikat e pagesës Milladinovci, Glumovë, Zhelinë, Tetovë dhe Gostivar në Korridorin 8. Kontraktor është konsorciumi "JV Aselsan-Zhikol". Vlera e kontratës është 12 489 356 euro.

Një procedurë për harmonizimin teknik dhe financiar është duke u zhvilluar për zbatimin e ndërveprimit në mbledhjen elektronike të taksave rrugore në kuadër të kornizës së Ballkanit të Hapur, pasi u ra dakord në samitin e Ohrit për të krijuar një sistem të vetëm elektronik të faturimit të taksave (ENP) në Serbi, Maqedoninë e Veriut dhe në Shqipëri.

Parlamenti Evropian u ka rekomanduar organeve më të larta të Bashkimit Evropian që të jenë të rezervuar ndaj nismës për Ballkanin e Hapur, e cila u nis nga liderët politikë të Serbisë, Shqipërisë dhe Maqedonisë së Veriut.

Me atë sistem, shoferët do të paguajnë taksat rrugore në mënyrë elektronike, me një pajisje unike TAG. Mënyra e re e pagesës së taksave rrugore duhet të lehtësojë fluksin e automjeteve në pikat e pagesës.

Sipas njoftimeve nga institucionet kompetente, deri në hyrjen e vendit në BE duhet të vendoset digjitalizimi i plotë i tarifave, përkatësisht mënyra se si do të bëhet arkëtimi i taksës rrugore të digjitalizohet.

Foto MIA