Shkup, 11 korrik 2022 (MIA)- Në seancën e sotme të 13-të të Këshillit të Qytetit të Shkupit, është miratuar Vendimi për lirimin nga pagesa e kompensimit për rregullimin e tokës ndërtimore për ndërtimin e kopshtit të ri në komunën e Butelit. “Me këtë vendim investitori, Komuna e Butelit lirohet nga kompensimi për rregullimin e tokës ndërtimore ndaj Qytetit të Shkupit për ndërtimin e çerdhes së re në lagjen Butel 1 në Shkup që është me interes publik dhe me rëndësi të jashtëzakonshme për qytetarët në këtë pjesë të qytetit”, njoftoi Qyteti i Shkupit.