Shkup, 25 prill 2024 (MIA) - Biznesi është i bindur se vendi është para një ndryshimi politik. Pret një pjesëmarrje më të madhe në 8 maj, në zgjedhjet parlamentare dhe në rethin e dytë presidencial, ndërsa qeverisë së re i tregon - ajo që është dakorduar me ekonominë para zgjedhjeve, të zbatohet në mënyrë konsistente në mënyrë që kompanitë të përshtatin funksionimin e tyre me kushtet e reja.

Siç deklaroi sot drejtori ekzekutiv i Odës Ekonomike, Antoni Peshev, aktualisht nuk ka tregues që tregojnë për një valë të re të mundshme të çmimeve.

"Jemi përpara një ndryshimi politik në udhëheqjen e shtetit. Sigurisht që do të ketë ndryshime. Mezi pres të shoh se cilat do të jenë lëvizjet e para të një qeverie të re nëse ajo formohet. Duhet të jemi të lumtur që kemi pasur një ditë të qetë zgjedhjesh. Pjesëmarrja nuk ishte e madhe, por gjithsesi ishin vetëm zgjedhje presidenciale. Pres që pjesëmarrja në 8 maj të jetë më e lartë. Është e rëndësishme që të gjitha partitë e rëndësishme politike ishin në Odën Ekonomike, të përgatitura mirë, me programe ekonomike, disa më mirë. Ne i kemi komunikuar para se të vinin në pushtet. Për ne ishte një njohje e këndshme që ata donin të dëgjonin atë që kishim për të thënë. Ajo që ne nuk duam të ndodhë përsëri është - të mos shohim asgjë nga ajo që kemi rënë dakord, për shembull, ku duhet të drejtohet fokusi ose çfarë duhet bërë menjëherë. Këtë herë shpresoj që kombinimi fitues që do të dalë nga zgjedhjet parlamentare do të jetë i tillë, veçanërisht sepse për ne është veçanërisht e rëndësishme - ajo që kemi rënë dakord, edhe nëse nuk ishte 100 për qind në interes të ekonomisë, duhet të zbatohent në mënyrë konsekuente dhe të jenë të parashikueshme në mënyrë që kompanitë të mund të përshtatin funksionimin e tyre me kushtet e reja, theksoi Peshev, duke iu përgjigjur pyetjeve të gazetarëve lidhur me ditën e djeshme të zgjedhjeve.

Lidhur me ndryshimet e çmimeve të naftës në mbarë botën dhe mundësinë që ato të sjellin rritje të mundshme të reja të çmimeve, Peshev beson se për momentin nuk ka tregues që flasin në atë drejtim. Ai po ashtu përmendi me këtë rast se është shumë më e rëndësishme që vendi po prodhon gjithnjë e më pak ushqime, ndërsa importet po rriten.

Muajin e kaluar, para nisjes së procesit zgjedhor, Oda Ekonomike pati takime me krerët e partive më të mëdha. I dëgjoi programet dhe premtimet e tyre ekonomike, por përsëriti edhe një herë kërkesat e tij - llogari për çdo qindarkë të shpenzuar, realizim maksimal i investimeve kapitale pa konvertim të mjeteve të planifikuara, arritjen e një konsensusi të përgjithshëm për kthimin e shtetit ligjor, për respektimin e mekanizmave të tregut, për luftën kundër korrupsionit dhe uljen e administratës. ls/

Foto/video: MIA