Shkup, 23 qershor 2023 (MIA) - Përfaqësimi mesatar i grave në parlament në të gjithë rajonin që mbulon OSBE është 29,6 për qind, në Maqedoninë e Veriut është mbi mesataren, që është mbresëlënëse dhe ka 42,5 për qind gra në parlament, theksoi shefi i Misionit të OSBE-së. Shkup, ambasadori Kilian Val në konferencën e sotme rajonale "Përparimi i barazisë gjinore në parlamente", organizuar nga Klubi i Parlamentarëve, në bashkëpunim me Misionin e OSBE-së në Shkup.

Ai përmendi sfidat me të cilat përballen gratë politikane gjatë zgjedhjeve apo nënpërfaqësimin e tyre në pozita të caktuara para dhe pas zgjedhjeve, por tha se vendi do të jetë në gjendje të ndikojë në këto sfida duke zbatuar ligjin e ri për barazi gjinore.

"OSBE-ja mbetet partneri juaj në arritjen e barazisë gjinore, por ne kemi vetëm një rol mbështetës. Angazhimi juaj si deputete është vendimtar për suksesin e mëtejshëm të këtyre angazhimeve dhe puna juaj është thelbësore për arritjen e të drejtave njerëzore të grave, të cilat janë pjesë thelbësore e sigurisë dhe prosperitetit të shoqërisë sonë", tha Val.

Kryetari i Kuvendi Talat Xhaferi tha se vendi ka vendosur një kornizë të fortë për avancimin e barazisë gjinore në jetën publike dhe politike dhe është pjesë e të gjitha politikave ndërkombëtare të rëndësishme për çështjet gjinore siç është Konventa e Kombeve të Bashkuara për eliminimin e të gjitha formave të diskriminimit mbi gratë, Platformës së Pekinit për aksion e Kombeve të Bashkuara, Konventës së Këshillit të Evropës për mbrojtjen e të drejtave të njeriut dhe lirive themelore dhe Konventës së Stambollit për parandalimin dhe luftën kundër dhunës mbi gratë dhe dhunës familjare.

"Ekziston vullnet për zbatimin e reformave me qëllim të përforcimit të demokracisë parlamentare dhe avancimit të senzitivitetit gjinor. Këtë e konfirmon edhe ODIHR-i, Zyra e Institucioneve Demokratike dhe të Drejtave të Njeriut pranë OSBE-së, e cila i pranon angazhimet reale dhe arritjet e konsiderueshme për sigurimin e barazisë gjinore edhe me ligj edhe në praktikë, për të përforcuar bazën ligjore", tha Xhaferi.

Ai informoi se janë miratuar ndryshime të rëndësishme ligjore që shkojnë në drejtim të përmirësimit, mbrojtjes, promovimit dhe vlerësimit të statusit dhe kontributit të gruas si pjesëtare e barabartë në bashkësinë shoqërore.

"Janë miratuar disa strategji kombëtare që përpiqen të mbulojnë të gjitha sferat në të cilat ndihet pabarazia, diskriminimi, ekskluziviteti i burrave ndaj grave dhe ato përpjekje vazhdojnë ndoshta me risinë më të rëndësishme, që është buxhetimi i përgjegjshëm gjinor", shtoi kryetari i Kuvendit.

Ai theksoi se është miratuar plani i dytë i aktiviteteve për promovimin e ndjeshmërisë gjinore, ka propozuar ndryshime të sistematizimit duke ndryshuar pozitën e këshilltarit për çështjet gjinore dhe se janë duke u zhvilluar aktivitete në drejtim të ndryshimeve në Rregulloren e Punës së Kuvendit. sa/

Foto. MIA

Фото: МИА