Jerusalem, 27 tetor 2024 (MIA) - Armata izraelite kumtoi se forcat e saj kanë vrarë një komandant të lartë të lëvizjes palestineze Hamas në Bregun Perëndimor, njoftoi DPA.

Në kumtesën e përbashkët me shërbimin kundërzbulues Shin Bet dhe policinë izraelite, armata njofton se e ka sulmuar Xhamil Odeh në qytetin Tulkarem në pjesën veriperëndimore të Bregut Perëndimor.

Edhe Ministria palestineze e Shëndetësisë në Ramallah e konfirmoi vrasjen e burrit 29-vjeçar.

Sipas Hamasit dhe autoriteteve izraelite, Odeh ka qenë komandant i brigadave Izedin al-Kasam, krahu ushtarak i organizatës islamike, në Tulkarem. bsh/

Foto: MIA arkiv