Shkup, 16 nëntor 2022 (MIA) - Kuvendi sot pasdite, në kuadër të seancës së 91-të, miratoi Ligjin për pagesën e dëmshpërblimit në para për viktimat e veprave penale, si dhe ndryshimet dhe plotësimet në  ligjet për procedurën tatimore dhe regjistrimin e pagesave në para. Deputetët e pushtetit dhe të opozitës ishin unanim se ligji për pagesën e dëmshpërblimit në para për viktimat e veprave penale të dhunshme meriton vëmendje, sepse ai synon një grup viktimash të dhunës në familje, shkon në drejtim të të drejtave të tyre më të mëdha dhe thjeshtësimit të procedurës për kompensimin e tyre. Për ndryshimet dhe plotësimet në disa ligje, duke përfshirë kontributet nga sigurimet sociale të detyrueshme, për lojërat e fatit dhe lojërat argëtuese, për shërbimet mediatike audio dhe audiovizuale, për shpalljen e Studençishko Bllato park natyror, për konvertimin e pretendimeve të Republikës së Maqedonisë së Veriut në bazë të detyrimeve të paguara ndaj kreditorit të huaj në depozitë të përhershme të NP Sistemi Kolektor...në seancë nuk u hap debat, sepse nuk janë diskutuar në komisionet amë. Për planin financiar të Agjencisë për mbikëqyrjen e sigurimeve pensionale të financuara kapitale për vitin 2023 dhe për propozimin e vendimit për miratimin e vendimit për lartësinë e tarifës mujore të paguar nga Agjencia për Mbikëqyrjen e Sigurimeve Pensionale me Financim Kapital nga shoqatat pensionale për vitin 2023, deputetët më vonë do të votojnë. sa/