Shkup, 28 qershor 2023 (MIA) - Ministrja e Punës dhe Politikës Sociale, Jovanka Trençevska sot ka takuar ambasadoren e sapoemëruar të Republikës Federale të Gjermanisë, Petra Dreksler. Në takim, siç njofton MPPS, Dreksler theksoi mbështetjen e fuqishme për rrugën e vendit drejt BE-së, si dhe mbështetjen për pastrimin e narratives në shoqëri rreth propozim- ligjeve për evidencën amë dhe barazinë gjinore, si dhe kuptimin e tyre të vërtetë.

Trençevska dhe Dreksler iu referuan edhe bashkëpunimit të deritashëm të Ministrisë së Punës dhe Politikës Sociale me ambasadën gjermane.

"Janë diskutuar edhe zhvillimet aktuale në territorin e shtetit në lidhje me Propozimin ligjin për barazi gjinore dhe Propozim ligjin për evidencën amë. Ambasadorja shprehu mbështetje të veçantë në fushën e harmonizimit të rregullativës ligjore dhe krijimit të politikave që janë pjesë e rrugës drejt BE-së. Ajo theksoi se është një mbështetëse e madhe e zgjidhjes së sfidave të barazisë gjinore me fokus të veçantë të feminizmit. Sa i takon gjendjes aktuale dhe debatin e hapur social për dy ligje të ndryshme - për evidencën amë dhe barazinë gjinore ka folur ministrja Trençevska. Ajo theksoi kuptimin e vërtetë të ligjeve me theks të veçantë shpjegimin e rëndësisë së Ligjit për barazi gjinore i cili është nën juridiksionin e Ministrisë së Punës dhe Politikës Sociale. Ministrja tha se qëllimi i ligjit është vendosja e mekanizmave që do të avancojnë barazinë gjinore në gjithë territorin e vendit, si në nivel lokal ashtu edhe në atë kombëtar. Trençevska posaçërisht theksoi se ligji për evidencën amë dhe ligji për barazi gjinore janë dy ligje të ndryshme dhe të ndara", thekson MPPS.