Shkup, 26 korrik 2024 (MIA) - Tri vajza mbrëmë kanë shpëtuar në mënyrë të sigurt pasi kanë hasur në derra të egër në majën e Vodnos. Qendra për Menaxhim me Kriza (QMK) kumtoi sot se raporti ka arrit në numrin 112.

"Mbrëmë tre vajza të cilat po zbrisnin nga maja e Vodnos, pas orës 23 në drejtim të Vodnos së mesme kanë pasur një takim të pakëndshëm me derrat e egër. Në numrin 112 në QMK kanë denoncuar se një tufë me derra të egër kanë qenë vazhdimisht pas dhe rreth tyre edhe pse ata kanë zbritur përmes rrugës së asfaltuar dhe se kanë qenë shumë të frikësuar. Më pas ata kanë kërkuar që të lirohet rampa në Vodno të mesme që të afërmit e tyre të mund t'i marrin me automjete. Në orën 23:42, personi që ka lajmëruar urgjencën ka marrë reagim në numrin 112 në QMK se në vendngjarje ka arrit tashmë një furgon policor dhe se të gjithë janë të sigurt", thuhet në informacionin e QMK-së.

Foto: arkivi i MIA-s