Shkup, 19 nëntor 2024 

Nuk është Blerim Ramadani  rasti i vetëm i arrestimit të një ish ushtari të UÇK-së. Në kohën e Ahmetit kishim disa raste të njëjta të arrestimeve të ish-ushtarëve të UÇK-së. Kështu ka deklaruar njëri nga liderët e VLEN, Arben Taravari në emisionin Interaktiv.  

“Ramadani ishte në arrest shtëpiak. Ta keni parasysh se të gjithë Prokuroria dhe Gjykata ende janë persona të cilat janë punësuar dhe vendosur në kohën e qeverisjes së BDI-së.  Urdhri për t’u mbajtur në arrest ish-ushtari i UÇK-së erdhi nga një njeriu shumë të afër i Ahmetit, i cili për të na vendosur neve në një pozicion të keq, vendosi që ai të mbahet në vend. Por ne ja mundësuan që brenda disa jave ai të kthehet në Kosovë”, tha Taravari.
   
Taravari nënvizoi se në të ardhmen nuk do të mund të arrestohet asnjë ish-ushtar i UÇK-së ndaj të cilit nuk ka asnjë procedurë penale të ngritur.

______________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.