Takimi fillestar për zhvendosjen e punimeve për hapjen e pikës kufitare Klepalo
Berovë, 16 maj 2022 (MIA) - Në Berovë është mbajtur takimi fillestar për shtyrjen e punimeve për hapjen e pikës kufitare Klepalo. Në takim morën pjesë përfaqësuesit e grupit punues nga ekipi i ekspertëve të Komisionit të Përbashkët, i përbërë për hapjen e këtij vendkalimi kufitar.
"Në takim morën pjesë përfaqësues të Programit për Bashkëpunim Ndërkufitar, INTEREG IPA Bullgari-Maqedoni, përfaqësues të Drejtorisë Doganore dhe Ministrive të Punëve të Brendshme dhe Transportit dhe Lidhjeve të Maqedonisë së Veriut dhe Bullgarisë, si dhe kryetarët e komunave të Berovës dhe Strumjanit. Për hapjen e pikës kufitare Klepalo, për të cilën përmes Programit për Bashkëpunim Ndërkufitar, INTEREG IPA Bullgari-Maqedoni, i cili ka një komponent për miratim strategjik për financimin e projekteve me interes kombëtar në rajonin kufitar, sigurohen fonde për rindërtimin e infrastrukturës", informuan nga Komuna.
Para takimit, të gjithë të pranishmit bashkërisht inspektuan gjendjen e pikës kufitare Klepalo, ku si opsion parashikohen dy variante për funksionimin e pikëkalimit. Varianti i parë, siç theksoi kryetari i komunës së Berovës, Zvonko Pekevski, funksionon me një pikë kufitare dhe dy vendkalime të veçanta në anën bullgare dhe maqedonase.
Në takim u theksua se hapja e pikës kufitare Klepalo është e një rëndësie të madhe për Berovën, sepse hapja e saj do të mundësojë komunikim më të mirë të qytetarëve në të dy anët e kufirit, do të kontribuojë në shkëmbimin e ideve, zhvillimin ekonomik dhe turizmin me mundësi për punësim të ri dhe përmirësim të pozitës socio-ekonomike të qytetarëve.
Takimi i radhës, në të cilin do të vendoset plani me dinamikë për realizimin e aktiviteteve, është caktuar për 25 maj në Shkup. sa/
