Shkup, 16 nëntor 2023 (MIA) - Kryetari i Komisionit për çështje evropiane, Arbër Ademi sot ka zhvilluar takim me z. Rene Trokaz, i dërguar special për BP dhe z. Matje Abgral kompetent për Maqedoninë e Veriut dhe Malin e Zi dhe për çështjet e sigurisë së Ballkanit Perëndimor në Ministrinë Franceze për Evropën dhe Punët e Jashtme, i shoqëruar nga ambasadori francez në vendin tonë Sirill Bomgartner.

Në takim, Ademi informoi për zhvillimet aktuale në vend dhe për mundësitë për ndryshime kushtetuese, për përfshirjen e Bashkësisë bullgare në Kushtetutën tonë, me qëllim vazhdimin e procesit të negociatave me BE-në.

"Duke iu referuar progresit të vendit tonë drejt BE-së, theksoi se pret që ai të ketë trend rritës, duke pasur parasysh proceset e fundit gjeopolitike në rajon, të cilat janë në drejtim të vazhdimit të procesit të zgjerimit me vendet e Ballkanit Perëndimor dhe në këtë kontekst, theksoi se duhet mos e humbisni këtë mundësi unike që kemi, prandaj duhet të japim votën tonë për Evropën, duke shprehur mirënjohjen për mbështetjen parimore dhe përkushtimin e Francës për eurointegrimin tonë", thuhet në komunikatë.

Bashkëbiseduesit u pajtuan se përshpejtimi i proceseve eurointegruese është në interes të stabilitetit politik, të sigurisë dhe stabilitetit ekonomik në të gjithë rajonin dhe se paraaderimi dhe së fundi anëtarësimi në BE do të kontribuojnë në zhvillim më të shpejtë ekonomik dhe social të rajonit, si dhe demokraci më funksionale dhe sundimi i të drejtës më funksional. mb/

Foto: Kuvendi i RMV