Meksiko Siti, 19 shtator 2022 (MIA) – Një tërmet me magnitudë prej 6.8 ballë sipas shkallës Rihter sot ka tronditur Meksikën, në të njëjtën ditë kur dy tërmete të fuqishme e goditën vendin në vitin 1985 dhe 2017. Instituti Kombëtar Sizmologjik njoftoi se epiqendra e tërmetit i cili është ndje edhe në kryeqytet ka qenë në pjesën perëndimore të Meksikës në shtetin Miçoakan. “Sinqerisht shpresojmë se asgjë serioze nuk ka ndodhur”, shkroi në Tuiter, presidenti meksikan Andres Manuel Lopez Obrador.