Bejrut, 25 mars 2024 (MIA) - Të paktën 11 mbledhës tartufi janë vrarë në një sulm që i atribuohet grupit xhihadist Shteti Islamik në shkretëtirën siriane që dikur ishte bastioni i tij, njoftoi organizata joqeveritare Observatori Sirian për të Drejtat e Njeriut.

Anëtarët e Shtetit Islamik kanë vendosur një minë që shpërtheu kur kaluan automjete me grumbullues tartufi. Sulmi ndodhi në shkretëtirën e provincës Raka në Sirinë veriore, kumtoi Observatori.

Xhihadistët rrëmbyen edhe tre persona.

Shteti Islamik, i cili kontrollon pjesë të mëdha nga territori i Sirisë prej vitit 2014, ishte mposhtur në mars të vitit 2019 në operacione ushtarake nga koalicioni antixhihadist ndërkombëtar i udhëhequr nga SHBA e cila është aleate me forcat kurde.

Shumë xhihadistë pastaj u tërhoqën në shkretëtirën siriane, duke lënë pas mina të shumta në zonë.

Shkretëtira siriane është e njohur për tartufët e saj, që thuhet se janë ndër më të mirët në borë. sa/

foto: Arkivi i MIA-s