Shkup, 22 tetor 2024 (MIA) – Këshilli i Prokurorëve Publikë të Republikës së Maqedonisë së Veriut sot si prokurorë publikë në Prokurorinë Publike të Republikës së Maqedonisë së Veriut i zgjodhi prokurorët publikë Valentina Stojanovska dhe Zllatko Bikovski, ndërsa prokurorë publikë në Prokurorinë Themelore për Ndjekjen e Krimit të Organizuar dhe Korrupsionit janë prokurorët e zgjedhur publikë Iskra Haxhi Vasileva dhe Faton Azizi. 

Siç bëjnë të ditur nga PPRMV, prokuror publik në Prokurorinë e Lartë Publike në Manastir është zgjedhur prokurori publik Antonio Jolevski, ndërsa prokuror publik në Prokurorinë e Lartë Publike në Shkup është zgjedhur prokurorja publike Natasha Kërsteva Caleva. 

Më tej, në seancën e tretë të sotme, siç shtojnë nga KPPRMV, është marrë vendim për suspendimin e pozitës së prokurores publike në Prokurorinë e Lartë Publike të Manastirit të Irina Trajkoska Strezoski, për shkak të zgjedhjes së saj si drejtoreshë e Akademisë së Gjykatësve dhe Prokurorëve Publikë dhe është marrë vendim që anëtarja e Këshillit - Zorica Pavloviq të propozohet zëvendës anëtare e Këshillit të Etikës së Prokurorëve Publikë. fc/

Fotografia: Arkivi i MIA-s