Shkup, 27 dhjetor 2023 (MIA) - Objekti i rikonstruktuar i Njësisë së Punëve të Brendshme në Gazi Babë është një nga 80 objektet që plotësojnë të gjitha standardet për efikasitet të energjisë dhe mbrojtjen e mjedisit. Është rikonstruktuar në mënyrë që të ofrojë kushte më të mira pune për punonjësit e policisë, por edhe kushte të mira për ushtrimin e të drejtave të qytetarëve që gravitojnë drejt NJPB Gazi Babë.

Ai në kuadër të vizitës sonte ka mbajtur edhe takim pune me udhëheqësinë e SPB Shkup dhe NJPB Gazi Babë gjatë të cilit ka informuar se janë diskutuar për rezultatet e arritura për vitin 2023 dhe për prioritetet që do të pasojnë në vitin 2024. Ai theksoi se kriminaliteti në këtë rajon është ulur dhe efikasiteti është rritur. Siç tha ai, nuk ka asnjë cenim të rendit dhe qetësisë publike dhe këtë vit pothuajse nuk ka pasur dhunë apo ndonjë lloj konflikti tjetër mes studentëve apo marrëdhënieve kombëtare.

"Të gjithë rezultatet që janë arritur në territorin e NJPB Gazi Babë e cila përfshin 200 mijë banorë, përshtaten në mjedisin e përgjithshëm të situatës së sigurisë e cila është e qetë dhe e qëndrueshme, pa asnjë tregues shqetësimi. Kemi ulje të krimit dhe rritje të efikasitetit mbi mesataren, krahasuar me departamentet e tjera të Punëve të Brendshme. Edhe në pjesën e veprave penale është arritur efikasitet i madh", tha Spasovski.

Sipas ministrit, rindërtimi i kësaj godine do të jetë një motiv që punonjësit e policisë që punojnë këtu të vazhdojnë me realizimin e prioriteteve strategjike të Ministrisë së Punëve të Brendshme dhe të punojnë në drejtim të uljes së kriminalitetit në vitin 2024.

Zëvendëskryetarja e Qeverisë përgjegjëse për politika të qeverisjes së mirë Sllavica Gërkovska e cila poashtu ishte për vizitë pune në NJPB Gazi Babë, përgëzoi policët që janë në vijën e parë në luftën kundër korrupsionit për rezultatet që treguan këtë vit dhe dëshmuan se besimi i qytetarëve tek policia është në nivel të lartë.

"Qëllimi i rinovimit të këtij objekti nga Ministria e Punëve të Brendshme është përmirësimi i kapaciteteve dhe kushteve të punës së policisë së uniformuar. Për të qenë të suksesshëm në luftën kundër korrupsionit dhe krimit të organizuar duhet të kenë kushte të mira pune", shtoi Gërkovska. rq/

Foto: MIA