Shkup, 6 maj 2023 (MIA) - Ministri i Punëve të Brendshme, Oliver Spasovski mori pjesë me fjalim të tij në Festivalin tradicional të 30-të ndërkombëtar-“Argëtimet pranverore”-Hid Bah Shen Fest, në f. Çalakli të Vallandovës.

“Ky manifestim i bukur, si pjesë e trashëgimisë kulturore-folklorike të komunitetit turk, por edhe si pjesë e kohezionit të ndërsjellë maqedono-turk në vendin tonë paraqet një nga shumë shembujt për spektrin e pasur etnik shumë thellë të vendosur në zhvillimin kulturor, historik dhe shoqëror të historisë tonë dhe shtetit. Ky pozicion është ndërtuar me dekada të jetësës së përbashkët, me lojalitet, dashamirësi, solidaritet dhe respekt  janë dëshmi respektabile se si duhet të ndërtohet dhe zhvillohet shoqëria civile”, theksoi Spasovski.

Ministri Spasovski e potencoi vendosmërinë e institucioneve të Republikës së Maqedonisë së Veriut të ruajnë diversitetet.

“Republika e Maqedonisë së Veriut, institucionet e saja nga pavarësia deri më sot e demonstroi vendosmërinë e saj për veprim si shtet, në vazhdimësi për ti ruajtur dhe kultivuar diversitetet, shumëllojshmërinë e trashëgimisë kulturore-historike, si fundament i pakontestueshëm i cili ndërton komunitetin, i cili nga pikëpamja bilaterale dhe rajonale edhe më shumë na ofron, i cili para botës na paraqet si të hapur dhe tolerant”, tha ministri Spasovski, bëhet e ditur në kumtesën e MPB-së.

Duke iu shprehur mirënjohje organizatorëve, por edhe të gjithë pjesëmarrësve të Festivalit ndërkombëtar me bindjen se edhe ky manifestim si edhe deri më tani, poashtu edhe në vitet e ardhshme, do të jetë më shumë se një prezantues i ynë i vendit para botës në prezantimin e vlerave tona humaniste dhe kulturore, të gërshetimit dhe lidhjeve tona historike, duke folur për gjerësinë e botëkuptimit shpirtëror të qytetarëve tanë. fc/

Fotografitë: MIA