Shkup, 28 korrik 2022 (MIA) - Avionët janë në operim, si dhe avionët e ARM-së. Krahas kësaj kemi edhe dy avionë të MPB-së, të cilët deri në këtë vit nuk kanë mundur të përdoren për shuarjen e zjarreve dhe tani janë pajisur me personel dhe në këtë moment janë vënë në dispozicion për shuarjen e zjarreve, tha sot në Kuvend ministri i Punëve të Brendshme Oliver Spasovski në përgjigje të pyetjes së deputetëve. "Armata ka dy avionë që janë të pajisur me mjete zjarrfikëse. Ministria e Punëve të Brendshme deri vitin e kaluar nuk kishte një kapacitet të tillë, por tani kemi marrë masa, janë siguruar pajisje dhe është trajnuar personeli dhe kemi në gatishmëri dy avionë për shuarjen e zjarreve, të cilët po ashtu janë vënë  në dispozicion", tha Spasovski. Sa i përket aeroplanit zjarrfikës "Er-Traktor", Spasovski informoi se "Er-Traktor" i dytë duhet të kthehet nga remonti deri më 5 gusht, ndërsa i pari tashmë është në funksion dhe merr pjesë në shuarjen e zjarreve. "Vitin e kaluar kemi pasur problem sepse nuk ishin  servisuar avionët që janë në Drejtorinë për Mbrojtje dhe Shpëtim, ato janë "Er-traktorë". Remonti i këtyre avionëve është bërë për këtë vit, njëri është tashmë në funksion dhe i dyti duhet të dorëzohet nga 5 gushti nga remonti. Në të gjitha këto zjarre që ekzistojnë, njëri tashmë merr pjesë", tha Spasovski. Sipas ministrit të Punëve të Brendshme, duhet të vendoset një sistem hierarkie dhe vartësie dhe secili të marrë në dorë gjërat për atë që ka në krye. "Po ashtu, duhet të veprohet në bazë të zgjidhjeve ekzistuese ligjore, përkatësisht Ligjit për Menaxhimin e Krizave dhe Ligjit për Mbrojtje dhe Shpëtim, dhe do të duhet të fillojë nga niveli më i ulët. Kjo do të thotë se të gjitha njësitë zjarrfikëse duhet të vihen në funksion në nivel lokal dhe ato janë reagimi i parë ndaj çdo fatkeqësie që ndodh edhe në zonën e zjarreve", shtoi Spasovski. Ai tha se në fushën e përballjes me zjarret, është mirë që kjo çështje po diskutohet dhe është e dëshirueshme që të bëhet një debat më i gjerë. "Nuk duhet të flasim vetëm kur kemi probleme të tilla. Edhe vitin e kaluar u përballëm me një fatkeqësi të madhe natyrore, e cila shkaktoi dëme reale dhe kjo tregon se ai nivel mbrojtjeje duhet të konsolidohet. Besoni se duhet të merren masa radikale për të menaxhuar sistemin e krizës. Ky model i cili ka Maqedonia e Veriut nuk është më i përshtatshëm, pasi ka dy agjenci të pavarura për menaxhimin e krizave. Krijimi i një sistemi është thelbësor. Po kështu, duhet vepruar sipas ligjeve. Do të duhet të fillojë nga niveli më i ulët. Të gjitha njësitë zjarrfikëse duhet të vendosen në nivel lokal", tha Spasovski. sa/