Podgoricë, 29 nëntor 2024 (MIA) - Që të mos shtyhemi në zgjidhjen e problemeve që kanë të bëjnë me veton nga fqinjët tanë dhe të mos ndërtojmë zgjidhje në kushtetutat që nuk ekzistojnë askund. Për t'u bashkuar me një familje, duhet të jesh i pajtueshëm, që do të thotë të ndash të njëjtat vlera dhe parime, theksoi sot presidentja Gordana Siljanovska Davkova në ligjëratën në Fakultetin Juridik të Universitetit të Malit të Zi, me temën "Maratona e Ballkanit Perëndimor Demokratik dhe Integrimit Evropian”.

Ajo theksoi se vendet e rajonit po përballen me një rrugë të vështirë drejt integrimit evropian dhe faji qëndron në mungesën e një strategjie të Bashkimit Evropian.

Nuk mendoj, tha presidentja, se disa vende anëtare të BE-së janë përpara nesh dhe prandaj, siç tha ajo, duhet të vlerësohet sipas kritereve të Kopenhagës dhe BE-së i duhet një reformë e thellë.

"Është shumë e rëndësishme të respektohen standardet në këto procese, sepse ato do të na çojnë drejt zgjidhjes”, tha presidentja.

Në kuadër të kësaj, Siljanovska Davkova tha se duhet të respektojmë njëri-tjetrin rajonalisht, sepse nëse nuk e respektojmë veten, askush nuk do të na respektojë.

Presidentja gjatë ligjëratës iu referua edhe partiokracisë, e cila siç tha ajo, është një model jodemokratik, në të cilin fshihet kufiri mes partisë dhe shtetit.

"Për t’u bërë pjesë e administratës shtetërore nuk është aq e rëndësishme të kesh një CV, të jesh kompetent dhe profesionist, por të kesh librezë të partisë. Pastaj mesatarja dhe nën mesatarja e zënë administratën dhe po të hyni në administratë me librezën e partisë nuk do të jeni besnikë ndaj Kushtetutës dhe ligjeve, por atyre që ju kanë punësuar", theksoi presidentja.

Ajo theksoi se numri i eksodit të të rinjve nga Maqedonia në vendet e Evropës Perëndimore është katastrofik dhe nëse nuk përballemi me zgjidhjen e këtij problemi nuk do të shkojmë larg.

Nuk ka pasuri më të madhe për ne se kapitali njerëzor, sidomos për vendet e vogla. Por njerëzit nën mesatare dhe mesatare nuk e duan mendjen, shqetësohen dhe për këtë arsye nuk marrin masa për të mbajtur të rinjtë", tha Siljanovska Davkova.

Sipas saj, etnia nuk duhet të jetë kriter për punësim, por ekspertizë dhe kompetencë.

"Nuk mund të jetë profesion nëse je maqedonas, turk, vllav..., por është te ne. Dhe kur i mbushni institucionet në bazë të kritereve etnike, nuk ka shtet ligjor, ka partiokraci, ka etnokraci", tha presidentja.

Në kuadër të kësaj, ajo shtoi se kritere të tilla janë binjakët siamezë me korrupsionin dhe krimin, e pastaj nuk ka përparim, dhe largohen më të zgjuarit.

"Duhet të fillojmë nga viti i dytë, i tretë, i katërt i studimeve për të ftuar më të mirët në qeveri, për t'i bindur se duhet të qëndrojnë dhe për t'i punësuar. Më të mirët duhet të marrin rroga të ndryshme, përndryshe do të largohen dhe kur të rrethohesh nga nënmesatarja dhe mesatarja, nuk do të ketë përparim. Prandaj na duhen reforma të tilla si në vendin tim ashtu edhe në rajon", theksoi ajo.

Presidentja Siljanovska Davkova sot pas ligjëratës në Fakultetin Juridik në Podgoricë do të takohet me kryeministrin malazez Milojko Spajiq. sa/

foto: MIA