Shkup, 21 shtator 2023 (MIA) - Gjatë ditës së djeshme (20.09.2023) janë zhvilluar aktivitete parandaluese kryesisht në fushën e komunikacionit në zonat e Sektorit të Punëve të Brendshme Manastir, Veles dhe Kumanovë.

Njëherit, në Resnjë, zyrtarët policorë nga NJPB Resnjë, përmes takimeve me qytetarë, pronarë apo drejtues të makinave bujqësore - traktorëve, kanë kryer aktivitete parandaluese - edukative në drejtim të përdorimit të kujdesshëm dhe të përgjegjshëm të këtyre mjeteve në rrugë, si dhe u theksua rëndësia për rregullsinë teknike të këtyre llojeve të automjeteve. Gjithashtu, në Resnjë u zhvillua një aktivitet parandalues ​​me moton “Unë dhe ti jemi këmbësorë”, i cili kishte për qëllim të evidentojë faktorët kyç për sigurinë e kategorisë më të cenueshme të pjesëmarrësve në komunikacion – këmbësorëve, veçanërisht të moshuarve, dhe në bashkëpunim me NP “Pyjet Nacionale” u zhvillua një aktivitet edukativ për parandalimin e prerjeve të paligjshme të pyjeve në interes të mbrojtjes së fondit pyjor dhe evitimit të këtij lloj krimi.

Në zonën e SPB Veles, konkretisht në Kavadar, afër shkollave fillore, zyrtarët policorë kanë zhvilluar aktivitet praktik me fëmijët e shkollave fillore dhe parashkollore për rregullat dhe rregulloret e komunikacionit të rëndësishëm për sigurinë e tyre si këmbësorë, por edhe si përdorues të biçikletave dhe skuterëve.

Në Kumanovë, nga ana tjetër, nëpunësit policorë nga SPB Kumanovë kanë realizuar punëtori edukative parandaluese me nxënësit, përkatësisht nxënësit e klasës së parë të shkollës fillore “Kërste Petkov Misirkov”, edhe në fushën e sigurisë në komunikacion. bsh/

Foto: MPB