Kavadar, 10 korrik 2023 (MIA) - Në zyrën e përmbaruesit të Kavadarit, Angel Kostadinovski sot nuk është mbajtur ankandi i caktuar publik rreth pronës locuar në Bogdanci, rast për të cilin kishte alarmuar edhe ambasadori i Austrisë, Georg Vucas. Siç është thënë nga përmbaruesi, ankandi është shtyrë për nëntëdhjetë ditë me vendim të Gjykatës Themelore të Gjevgjelisë.

Ankandi është shtyrë për shkak se firma austriake ka kërkuar shtyrje dhe gjykata e ka miratuar këtë kërkesë.

Nga ambasada austriake më 27 qershor dolën me njoftim për mediat, duke shtruar pyetjen, "çfarë do të mbizotërojë, sundimi i ligjit dhe mbrojtja e investimeve austriake në Maqedoninë e Veriut apo marrëveshje kriminale për kapjen e gjyqësorit dhe nëpunësve juridik".

"Më 7 qershor, Gjykata Themelore Civile Shkup miratoi një masë të përkohshme në favor të AMMA Import Export GmbH (AMMA) me seli në Hoenems, Austri, një furnizues industrial shumë i vlerësuar i perimeve në rajonin e EQL/EJL i angazhuar kryesisht në shitje me shumicë dhe shpërndarjen e produkteve bujqësore. Me ndalesën ngrihet pasuria e paluajtshme e DENA PRODUKT import eksport Veles (DENA) në pronësi dhe menaxhuar nga Atanas Kostov nga Vallandova deri në njohjen dhe realizimin e vendimit të arbitrazhit në vlerë prej rreth 4.5 milionë euro të dhënë më tre janar 2023 në proces korrekt dhe transparent nga një arbitër ndërkombëtar me reputacion në favor të AMMA. Nuk është për t'u befasuar, kjo është e masë e përkohshme dhe e ankimuar", informuan asokohe nga ambasada.

Nga ambasada asokohe thanë se "mënyra e realizimit të një vendimi të arbitrazhit ndërkombëtar në Maqedoninë e Veriut rezulton të jetë një sfidë dhe kërcënon investimet e ndërmarra nga investitori austriak".

Foto: MIA