Prilep, 5 shkurt 2023 (MIA) - Për mbi 1.000 hektarë janë më të mëdha sipërfaqet me grurë dhe pritet rritje e prodhimit të drithit të bukës prej rreth 30.000 tonë. Sipas vlerësimeve të Shoqatës së Fermerëve të Maqedonisë, me një rritje të përhershme si në sipërfaqe ashtu edhe në prodhim, synimi për grurë vendor dhe për të zvogëluar ndikimin e importit është real.

Goran Tomeski, agronom i Agjencisë për Mbështetjen e Prodhimtarisë Bujqësore konfirmon se për 10 deri 15 për qind janë rritur sipërfaqet me grurë në rajonin e Prilepit.

"Janë rritur sipërfaqet, rekolta vjeshtore është në gjendje të mirë dhe nëse në maj dhe qershor kushtet klimatike janë në rregull, prodhimtaria do të rritet në mënyrë të pritshm"e, thotë Tomeski.

Pero Stojkoski, kryetar i Shoqatës së Fermerëve të Maqedonisë, vlerëson se prodhimi i vitit të kaluar prej rreth 250.000 tonë pritet të rritet. Rol të madh ka Fondi intervent i Ministrisë së Bujqësisë.

"Në vitin 2021 dhe 2022, sipas njohurive të mia, në vend janë mbjellë 75 mijë hektarë me grurë. Sivjet kemi rritur sipërfaqet me grurë me 1000 hektarë më shumë. Dhe ne presim rritje të prodhimit me 30.000 tonë. Sigurisht, që përveç politikave bujqësore do të ndikojnë edhe kushtet atmosferike. Fondi intervenues i Ministrisë së Bujqësisë e rriti interesimin dhe besimin e fermerëve për prodhimin e drithit të bukës", thotë Stojkoski.

Akoma duhet të importojmë, por ne përpiqemi për prodhimin tonë. Mbështetja e përhershme e shtetit është e nevojshme për përfitim.

Si blerësit ashtu edhe fermerët po mbajnë rreth 10 mijë tonë grurë në hambarë duke pritur një çmim më të mirë, por gjithçka varet nga bursat.

"Blerja e grurit bazohej gjithmonë në çmimet e bursës. Ndërsa aktualisht çmimi i grurit në bursë është nga 16 deri në 17 denarë. Ata që e mbajnë grurin në hambarë e bartin edhe rrezikun", thotë Pero Stojkoski, kryetar i Shoqatës së Fermerëve të Maqedonisë.

Foto: MIA