Shkup, 26 janar 2024

Shoqata e Gazetarëve të Maqedonisë (SHGN) shpreh përkrahjen e saj për përpjekjet e kolegut tonë Marjan Nikollovski, kryeredaktor dhe themelues i religija.mk, në raportimin kritik për çështjet fetare në favor të interesit publik.

Ne dënojmë fuqishëm të gjitha përpjekjet e autoriteteve kishtare për të trajtuar dhe heshtur gazetarinë kritike dhe lirinë e shprehjes. Aktivitete të tilla jo vetëm që minojnë parimet bazë të pavarësisë së medias, por kërcënojnë edhe vlerat demokratike që lejojnë zhvillimin e një shoqërie të larmishme dhe pluraliste. Transparenca, mirëkuptimi dhe respekti i ndërsjellë janë bazat mbi të cilat duhet të ndërtohet një marrëdhënie e shëndetshme mes medias dhe komuniteteve fetare.

Fokusi i punës së fundit të kolegut tonë, i cili çoi në një ftesë nga Sinodi i Kishës Ortodokse Maqedonase për procedura gjyqësore – kishtare, ishte adresimi i pretendimeve se postimet e tij gjoja provokuan “Bazë për shprehjen e urrejtjes, në formën e gjuhës së urrejtjes, nxitjen e urrejtjes mes besimtarëve dhe vënien e anëtarëve të dëmtuar të Sinodit në rrezik të përgjithshëm dhe rrezikimi të sigurisë së tyre, veçanërisht përmes burimit elektronik – mjet për informimin e publikut”, thuhet në ftesën e publikuar në religija.mk.

Në përputhje me përkushtimin tonë për inkurajimin e dialogut të hapur dhe forcimin e besimit ndërmjet gazetarëve dhe bashkësive fetare, ju kujtojmë kërkesën tonë zyrtare të dorëzuar më 10 janar për takim me Kryetarin e Kishës Ortodokse Maqedonase – Kryedioqeza e Ohrit (KOM AO). Kjo iniciativë ka për qëllim përmirësimin e komunikimit me gazetarët dhe kameramanët dhe sinqerisht shpresojmë në një përgjigje pozitive nga e cila do të përfitojnë të gjitha palët e interesuara, veçanërisht qytetarët të cilët kanë të drejtë të padiskutueshme për t’u informuar, në pajtim me të drejtën për të ndaluar censurën, siç dikton neni 16 i Kushtetutës së Maqedonisë.

SHGM beson se të gjitha ankesat e mundshme në lidhje me raportimin në media duhet të zgjidhen përmes organeve të themeluara vetërregulluese si Këshilli i Nderit në SHGM ose Këshilli për Etikë në Media në Maqedoni. Këto mekanizma ofrojnë një mënyrë konstruktive për zgjidhjen e mosmarrëveshjeve duke respektuar parimet e integritetit dhe lirisë gazetareske.

I shprehim mbështetjen tonë gazetarit Marjan Nikollovski dhe të gjithë gazetarëve që përballen me presione të panevojshme në kërkimin e gazetarisë së vërtetë dhe profesionale. Ne i bëjmë thirrje KOM AO-së dhe udhëheqësisë së saj që të angazhohen për dialog të hapur dhe konstruktiv me komunitetin mediatik, duke pranuar se një angazhim i tillë është thelbësor për përmirësimin e shoqërisë në tërësi.

Shoqata  e Gazetarëve të Maqedonisë është shoqata më e madhe dhe më e vjetër e gazetarëve në vend, e themeluar në vitin 1946, e cila përfaqëson mbi 1000 gazetarë dhe punonjës mediatikë dhe është anëtare e Federatës Evropiane të Gazetarëve.  SHGM është e përkushtuar për mbrojtjen e të drejtave dhe interesave të gazetarëve, promovimin e standardeve profesionale dhe avokimin për lirinë e shprehjes dhe pavarësinë e medias.

______________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.