Shkup, 21 mars 2024  

 Shoqata e Gazetarëve të Maqedonisë (SHGM) dënon sulmin e sotëm fizik ndaj gazetarit Furkan Saliu nga përmbaruesja nga Kërçova, Vesna Jakimovska.

Kjo ngjarje skandaloze vjen pas një sërë storjesh kërkimore për përmbaruesen nga PortaliX dhe Saliu, i cili sot teksa merrte një deklaratë nga përmbaruesja u sulmua fizikisht prej saj dhe pësoi një dëmtim në dorë, ndërsa ju thye edhe një mikrofon nga pajisjet e tij të punës. Kolegu Saliu ka lajmëruar policinë në vendngjarje dhe aktualisht është duke dhënë deklaratë në stacion policor. Për këtë ngjarje është njoftuar edhe prokurori nga Kërçova. 

SHGM menjëherë ka kontaktuar me pikat e kontaktit në MPB dhe PTHP të lidhura me  këto raste, për të ndjekur nga afër ngjarjen. 

Pikat e kontaktit, pra personat në Ministrinë e Brendshme dhe PTHP, kanë një rëndësi të madhe në kuadrin e komunikimit të shpejtë dhe efektiv me SHGM-në kur bëhet fjalë për cenimin e të drejtës së gazetarit apo punonjësit të medias, dhe mundëson mbrojtje më të madhe institucionale. 

Kujtojmë se sulmi ndaj gazetarit apo punonjësit të medias gjatë kryerjes së detyrave profesionale është vepër penale ku Ministria e Brendshme dhe PTHP-ja kanë detyrimin të veprojnë në cilësinë e tyre zyrtare. Kërkojmë nga MPB-ja dhe Prokuroria Publike që të bëjnë hetim të shpejtë dhe efikas duke sanksionuar sulmuesit, në këtë rast përmbaruesen Jakimovska. 

Për këtë rast, përveç përgjegjësisë penale, SHGM-ja do të kërkojë edhe masë disiplinore, në përputhje me kodin e etikës profesionale të përmbaruesve për heqjen e licencës për punë nga Oda e Përmbaruesve të Republikës së Maqedonisë së Veriut.

 Shoqata e Gazetarëve të Maqedonisë 

___________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.