Shkup, 4 maj 2024 (MIA) - Sot shënohet 121 vjetori i vdekjes së revolucionarit maqedonas Goce Dellçev. Me këtë rast delegacione dhe qytetarë do të vendosin lule pranë varrit të Dellçevit në kishën "Shën Spasi" ndërsa në Kuvendin e Maqedonisë së Veriut do të ndahet çmimi shtetëror "Goce Dellçev" për arritjet e rëndësishme në fushën e shkencës.

Sipas paralajmërimeve, në kishën e “Shën Spasit" lule do të vendosin presidenti i shtetit Stevo Pendarovski, delegacioni qeveritar i kryesuar nga ministrja e Mbrojtjes Sllavjanka Petrovska dhe ministrja e Mjedisit Jetësor dhe Planifikimit Hapësinor Kaja Shukova, delegacioni parlamentar i përbërë nga Darko Kaevski, Daniela Nikolova dhe Velika Stojkova-Serafimovska, si dhe delegacione partiake, shoqata, qytetarë...

Në Kuvend pasdite do të ndahet çmimi shtetëror "Goce Dellçev" për vitin 2024 për arritjet veçanërisht të rëndësishme në interes të Republikës së Maqedonisë së Veriut në sferën e shkencës.

Fituesit e çmimit shtetëror "Goce Dellçev" këtë vit janë profesor dr Robert Hadson dhe profesor doktor Ivan Dodovski për pjesën "Tanzicioni i gjatë i Maqedonisë nga pavarësia e Marrëveshjes së Prespës dhe pastaj", dhe dr. Ana Martinovska dhe mr. Zharko Ivanov për pjesën "Këngë të trishta nga tërmeti i Shkupit në vitin 1963" (nga materialet e arkivit të Vasill Haxhimanovit).

Përvjetori i vdekjes së Dellçevit do të shënohet dhe në Shtip ku dhe ndodhet Universiteti shtetëror. Sipas agjendës, në manifestimin do të ketë paraqitje dhe rektori i Universitetit Dejan Mirakovski dhe kryetari i Shtipit Ivan Jordanov.

Dellçevi i cili më shumë se një shekull më parë e kuptonte botën si fushë për garë kulturore të kombeve, u vra nga ushtria osmane më 4 maj 1903 në fshatin Banicë, rrugës për në Ser. Ai ka lindur më 4 shkurt 1872 në Kukush, në familjen e Sulltaneshës dhe Nikollës. Është shkolluar në gjimnazin e Selanikut dhe në Akademinë ushtarake në Sofje. Mësoi në Shtip, ndërsa si anëtar i Komitetit qendror të TMORO-së punoi në krijimin e rrjetit të bazave, komiteteve dhe kompanive të komiteteve të Organizatës. Mori pjesë në Kongresin e VMRO-së së Selanikut (1896), ndërsa deri në vitin 1901 ishte përfaqësues i jashtëm i VMRO-së në Sofje. Pas vrasjes më 4 maj 1903, eshtrat e tij u mbajtën në Banicë deri në vitin 1917, kur u transferuan në Ksanti, ndërsa më pas në Sofje. Deri në vitin 1923, arkivoli me eshtra u mbajt në shtëpinë e Mihail Çakovit. Më 11 tetor 1946 eshtrat e Dellçevit u transferuan në kishën "Shën Spasi" në Shkup. rq/

Foto: arkivi i MIA-s