Uashington, 21 shtator 2023 (MIA) - Senati i Kongresit amerikan e konfirmoi gjeneralin Çarlls Braun si kryetar të ri të Shtatmadhorisë së Bashkuar, transmetuan agjencitë e huaja. 

Gjenerali afroamerikan ishte nominuar nga presidenti Xho Bajden në maj dhe ishte prezantuar si njeri ushtarak me përvojë i cili posedon cilësi më të mëdha amerikane, por edhe i mobilizuar kundër racizmit. 

Braun do të bëhet afroamerikani i dytë në funksionin më të lartë ushtarak pas Kolin Paurl nga viti 1989 deri në vitin 1993. Ai do t'i parashtrojë raport sekretarit të mbrojtjes Llojd Ostin, i cili gjithashtu është i zi.

Nominimi i Braunit ishte miratuar me 83 përkundër 11 votave. 

Çarlls Braun është komandant i forcave ajrore amerikane dhe do ta zëvendësojë Mark Milin në funskionin e tij të ri kur do të pensionohet më 29 shtator. Braun është ish pilot. Ai ishte përshkruar nga Bajdeni si patriot shumë i guximshëm dhe besnik. fc/

Fotografia: Arkivi i MIA-s