Shkup, 13 dhjetor 2024 (MIA) - Në Kuvend sot seanca do të mbajnë komisionet për transport, transformim digjital, mjedis jetësor dhe planifikim hapësinor, për çështje ekonomike, punë dhe çështje energjetike dhe Komisioni ligjdhënës-juridik.

Në rend të ditës së Komisionit për transport, transformim digjital, mjedis jetësor dhe planifikim hapësinor janë ndryshimet dhe plotësimet e Ligjit për menaxhim elektronik dhe shërbime elektronike, të Ligjit për dokumente elektronike, identifikim elektronik dhe shërbime konfidenciale, ndryshimet e Ligjit për organizmat e modifikuar gjenetikisht, të Ligjit për cilësinë e ajrit të ambientit, të Ligjit për menaxhimin e baterive dhe akumulatorëve dhe mbeturinave të baterive dhe akumulatorëve, të Ligjit për mbrojtje nga zhurmat në mjedisin jetësor, ndryshime dhe plotësime të Ligjit për mbrojtje të mjedisit jetësor, ndryshime të Ligjit për ujëra, ndryshime të Ligjit për menaxhim me paketim dhe mbeturina nga paketimi dhe të Ligjit për mbrojtjen e natyrës, të gjitha në lexim të parë.

Propozimi i Ligjit për ndryshimin dhe plotësimin e Ligjit për mbrojtje të fëmijëve, në lexim të dytë është në rend të ditës të Komisionit për çështje ekonomike, punë dhe çështje energjetike.

Seancë do të mbajë edhe Komisioni ligjdhënës-juridik. bsh/

Foto: MIA arkiv