Tokio, 16 gusht 2023 (MIA) - Së paku 23 persona janë lënduar në tajfunin Lan i cili dje e kaploi pjesën perëndimroe të Japonisë dhe arriti në gadishullin Kii. Reshjet e rrëmbyeshme të shiut të shkaktuara nga moti i lig krijuan kaos në transportin hekurudhor mu gjatë festave, lajmëruan mediumet japoneze.

Agjencia meteorologjike japoneze kumtoi se për shkak të reshjeve të fuqishme të shiut, qeveria e prefekturës Totori shpalli nivelin më të lartë të gjendjes së jashtëzakonshme për rreth 180 mijë banorët e saj.

Një person, rreth 60 vjeçar, në qytetin Vakajama u gjet pa vetëdije, i ngjitur në murin e jashtëm të një ndërtese dhe akoma është në gjendje kritike. Në meisn e të lënduarve në Japoninë perëndimore është edhe një grua 70-vjeçare në Sakai, prefektura e osakës, e cila u godit nga çatia.

"Japan Airlines" dhe "All Nippon Airlines" dje anuluan mbi 560 fluturime deri dhe nga Japonia perëndimore, me ç'rast u goditën 50 mijë udhëtarë. Rreth 650 njerëz u detyruan ta kalojnë natën në aeroportin Kansai pasi që tajfuni e ndërpreu rrjetin lokal hekurudhor dhe rrugor. ab/

foto: ЕPА