Shkup, 6 korrik 2021 (MIA) – Për rreth 75 për qind është shënuar rritje e transaksioneve onlajn në tremujorin e parë të vitit, ndërsa është rritur edhe qarkullimi ndaj e-dyqaneve për 126 për qind, njoftoi sot Asociacioni për e-tregti Elektronike, duke iu referuar të dhënave nga Banka Popullore për transaksionet pagese pa para të gatshme deri më 30 mars të këtij viti. Në pajtim me këto të dhëna, vlera e transaksioneve onlajn në vend dhe jashtë arrin 86.6 milion euro, që krahasuar me të njëjtën periudhë të vitit të kaluar kur u realizuan 49.6 milion euro, është një rritje prej 74.6 përqind. Numri i transaksioneve u rrit me 65 përqind, që do të thotë se vlera e transaksionit mesatar është rritur. Gjegjësisht, në tre muajt e parë të vitit 2021, u realizuan gjithsej 3,228,182 transaksione në internet në vend dhe jashtë, në krahasim me 1,954,957 transaksione onlajn gjatë tre muajve të parë të vitit 2020. Për tre muajt e parë të këtij viti, qytetarët shpenzuan 65.3 milion euro në blerjet në internet nga dyqanet e shtëpive, një rritje prej 125.8 përqind krahasuar me të njëjtën periudhë të vitit të kaluar. Në vlerën totale të transaksioneve të bëra në këtë periudhë, transaksionet me kompanitë vendase zënë 75.4 përqind. Në konkludim me 30 marsin e këtij viti, 1,552 pajisje POS virtuale janë aktive në vend. 93 dyqane të reja në internet u hapën për një periudhë prej tre muajsh. Këto janë pika virtuale të regjistruara në mënyrë aktive që janë raportuar nga pesë bankat që aktualisht ofrojnë tregti elektronike si pjesë e portofolit të tyre të shërbimeve. fb/