Shkup, 4 mars 2026 (MIA) - Gjykata Kushtetuese njoftoi sot se e ndalon procedurën për vlerësimin e kushtetutshmërisë së nenit 2 të ndryshimeve në Ligjin për Sigurimin Pensional dhe Invalidor të vitit 2025, duke përfunduar kështu shqyrtimin e rritjes lineare të pensioneve. Siç informuan ata, propozimi nuk mori shumicën dhe akti mbetet në rendin juridik.

"Rritja lineare e pensioneve mbetet në fuqi. Mocioni për jokushtetutshmëri të ligjit të kontestuar është rrëzuar dhe Gjykata sot e ndaloi procedurën", thonë ata.

Procedura për vlerësimin e kushtetutshmërisë së nenit 2 të ndryshimeve në Ligjin për Sigurimin Pensional dhe Invalidor të vitit 2025 u iniciua sepse, sipas Gjykatës, rritja lineare e pensioneve që ajo parashikon mund të shkelë barazinë kushtetuese, të drejtën e pronës dhe parimin e sigurimit social, pasi i trajton pensionistët me kontribute të ndryshme në mënyrë të barabartë dhe krijon efekte joproporcionale.

Njëkohësisht, në seancën e sotme, Gjykata Kushtetuese e Republikës së Maqedonisë së Veriut shqyrtoi disa iniciativa dhe projektvendime dhe vendosi të mos fillojë procedurë për nenet e Ligjit për mbrojtjen e konsumatorit që kanë të bëjnë me përdorimin e gjuhës maqedonase dhe gjuhës së komuniteteve me përfaqësim prej të paktën 20 për qind.mb/

Foto: MIA