Shkup, 25 tetor 2024 (MIA)- Ministri i Punëve të Brendshme, Pançe Toshkovski sot ka inspektuar rindërtimin e objekteve të Departamentit për punë civile të MPB-së në ndërtesën e RTVM-së. 

Projekti për rinovimin e këtyre ambienteve ka nisur jo shumë kohë më parë, pasi turmat që u shkaktuan nga ndryshimet e dokumenteve personale për shkak të ndryshimit të emrit kushtetues u tejkaluan plotësisht, me qëllim modernizimit dhe krijimit të shërbimeve më të shpejta dhe më efikase për qytetarët.

“Udhëheqësia e mëparshme planifikoi të nisë rikonstruksionin këtë vit në shkurt gjatë turmave më të mëdha për ndryshimin e dokumenteve. Mund ta imagjinoni se çfarë do të ndodhte në atë situatë. Me këtë rikonstruksion i cili duhet të përfundojë për gjashtë muaj, do të marrim gati dyfishin e kapacitetit të shërbimeve administrative të MPB-së, të cilat do të ofrojnë shërbime më të shpejta dhe më efikase për qytetarët tanë. Jemi duke ndërtuar një administratë më efikase e cila do të jetë plotësisht në shërbim të nevojave të qytetarëve”, theksoi ministri Toshkovski.

Toshkovski në të njëjtën kohë theksoi se përderisa të vazhdojë rikonstruksioni, fare nuk është ulur kapaciteti për lëshimin e dokumenteve personale dhe shërbimeve tjera për qytetarët dhe ato kryhen më së shumti në pikën pranë Stacionit policor "Prolet".

Foto: MPB