Xhuba, 2 mars 2026 (MIA) - Të paktën 169 persona janë vrarë në një sulm të rebelëve në një fshat në Sudanin e Jugut. Midis viktimave ishin 90 civilë.

 Misioni i Kombeve të Bashkuara në Sudanin e Jugut tha se pas sulmit, një mijë persona kërkuan strehim në bazën e tyre.

Dhuna u përshkallëzua pasi forcat qeveritare lojale të presidentit Salva Kir nisën një ofensivë kundër grupeve të armatosura lojale të liderit të opozitës Rieka Maçar. 

 Maçar ishte zëvendës i presidentit Kir deri në shtator, kur u shkarkua nga detyra me akuza për terrorizëm, dhunë dhe tradhti. Ai është në arrest shtëpiak në pritje të gjykimit.

Sudani i Jugut është vendi më i ri në botë, pasi fitoi pavarësinë nga Sudani më 9 korrik të vitit  2011, pas dekadash lufte civile. 

Foto: Arkivi i MIA-s