Shkup, 31 korrik 2023 (MIA) - Punëtoria e tretë rajonale për mbështetje të Maqedonisë së Veriut në përpjekjet e saj për përfundim të mungesës së shtetësisë, do të mbahet sot dhe nesër në Ohër.

Misioni i OSBE-së në Shkup, së bashku me përfaqësinë e UNHCR-së në Maqedoni të Veriut, Ministrisë së Drejtësisë, Ministrisë së Punës dhe Politikës Sociale dhe Komisionit për sistem politik dhe marrëdhënie mes bashkësive do të bashkohen për ta përfunduar ciklin e punëtorive rajonale për trajnim të personelit administrativ në zbatimin praktik të ndryshimeve dhe plotësimeve të sapomiratuara në Ligjin për evidencën amë për regjistrimin e vonuar të personave të paregjistruar në Maqedoni të Veriut.

Siç theksojnë nga OSBE-ja, këto punëtori janë pjesë e përpjekjeve të mëdha për mbështetje të zbatimit të dispozitave të reja ligjore me qëllim që të marrë fund mungesa e shtetësisë deri në fund të vitit 2023.

Ambasadori Kilian Val, shef i Misionit të OSBE-së në Shkup, e shprehi mbështetjen e vet për këto përpjekje, me qëndrimin se "ky është qëllim ambicioz, por io realizueshëm, ndërsa Misioni, së bashku me UNHCR-në, me kënaqësi e mbështetë këtë proces".

Misioni i OSBE-së në Shkup përpunoi edhe video për njoftim më të mirë të opinionit më të gjerë me qëllimet dhe mënyrat se si këta persona të marrin identitet dhe t'i realizojnë të drejtat e tyre të njeriut, të garantuara me Kushtetutë për qasje drejt arsimit, shëndetësisë dhe mbrojtjes sociale", qëndron në kumtesë. ab/