Shkup, 28 qershor 2023 (MIA) - Prokuroria Publike informon se Komisioni për mbikëqyrje të jashtëzakonshme të lëndëve të parashtruara kundër Ramiz Merkos, kryetar i Komunës së Strugës, ka bërë mbikëqyrje në të gjitha lëndët e përfunduara dhe ato në proces kundër personit në fjalë, ndërsa për shkak të kompleksivitetit të aktiviteteve të ndërmarra, siç thonë ata, "disa nga lëndët ende janë duke u studiuar dhe analizuar detajisht".

"Komisioni i Prokurorisë Publike të Republikës së Maqedonisë së Veriut i ngarkuar për mbikëqyrje të jashtëzakonshme të lëndëve të parashtruara kundër Ramiz Merkos, kryetar i Komunës së Strugës, ka inspektuar të gjitha lëndët e përfunduara dhe në proces kundër këtij personi në Prokurorinë Themelore Publike Strugë, Prokurorinë e Lartë Publike Manastir dhe në Prokurorinë Themelore Publike për ndjekje të krimit të organizuar dhe korrupsionit", thuhet në njoftimin e PPRMV.

Prej atje shtojnë se për shkak të kompleksivitetit të aktiviteteve të ndërmarra, disa prej rasteve madje janë ende duke u studiuar dhe analizuar në detaje.

"Pas përfundimit të kontrolleve, Komisioni do të përgatisë raport me udhëzime për trajtimin e lëndëve konkrete", shtojnë nga atje.

Kjo pason pas evidencës së publikuar të lëndëve të Prokurorisë Publike ndaj kryetarit të Komunës së Strugës, Ramiz Merko i cili u gjet në “listën e zezë” të SHBA-së për shkak të korrupsionit dhe ndërhyrjes në procese gjyqësore.

Foto: arkivi i MIA-s