Sofje, 2 gusht 2022 (MIA) - Presidenti i Bullgarisë Rumen Radev ka dërguar urim dhe ka zhvilluar bisedë telefonike me kolegun e tij presidentin Stevo Pendarovski me rastin e Ditës kombëtare të Republikës së Maqedonisë së Veriut - 2 Gushti, njoftoi Pres shërbimi i shefit të shtetit bullgar. Siç njofton korrespondenti i MIA-s nga Sofja, sipas Radevit, shënimi i kryengritjes së Ilindenit- 1903 zë një vend të rëndësishëm në historinë e përbashkët të dy vendeve dhe është vetëm një nga shembujt e trashëgimisë së pasur shpirtërore dhe kulturore-historike që lidh ngushtë vendet sot dhe qytetarët e tyre. Radevi theksoi se historia jonë e përbashkët duhet të bëhet faktor i vërtetë në përafrimin mes Bullgarisë dhe Republikës së Maqedonisë së Veriut dhe për këtë duhet të kontribuojnë edhe burrështetasit nga të dyja palët.