Stamboll, 2 shkurt 2024 (MIA) - Policia në Turqi sot arrestoi shtatë persona nën dyshimin se kanë shitur informacione për agjencinë izraelite të spiunimit Mosad, raportoi agjencia Anadolia.

Të dyshuarit, të cilët dyshohet se i dhanë informacion Mosad-it përmes detektivëve privatë, u arrestuan në një operacion të përbashkët nga policia dhe Organizata e Inteligjencës (MIT), me dy shërbimet që vepronin me urdhër të Zyrës së Kryeprokurorit Publik në Stamboll.

Raporti i agjencisë turke tha se bastisjet u kryen në Stamboll dhe qytetin e Izmirit, në bregun perëndimor të Turqisë.

Dhe muajin e kaluar, 34 persona u arrestuan gjithashtu të dyshuar për spiunazh për Izraelin. Ata akuzohen për planifikimin e aktiviteteve që përfshinin spiunimin dhe "ndjekjen, sulmin dhe rrëmbimin" e shtetasve të huaj që jetojnë në Turqi.

Mosad thuhet se ka rekrutuar palestinezë dhe shtetas sirianë në Turqi si pjesë e një operacioni kundër të huajve që jetojnë në vend. sa/

foto: Arkivi i MIA-s