Stokholm, 22 gusht 2022 (MIA) - Policia suedeze çaktivizoi një valixhe me eksploziv të gjetur në qendër të Stokholmit të dielën vonë në mbrëmje, deklaroi sot një zëdhënës i policisë. Një mjet shpërthyes u gjet në një valixhe në një park në qendër të Stokholmit. Parku është një nga vendet në kryeqytet ku zhvillohet festivali vjetor i kulturës. Këtë vit ai u organizua nga data 17 deri në 21 gusht. "Policia ka vlerësuar se valixhja e gjetur në Kungstradgarden të dielën përmbante eksploziv", thuhet në kumtesën e  policisë. "Zona u rrethua përkohësisht, dhe bomba u çaktivizua dhe u hoq nga valixhja. Autoritetet kryen një hetim mjeko-ligjor të hënën në mëngjes", njoftoi policia. "Tani do të studiohen të gjitha elementet e hetimit. Vetëm pas një ekzaminimi të plotë në qendrën kombëtare të mjekësisë ligjore do të mund të themi me siguri nëse objekti i rrezikshëm ishte i përdorshëm", tha shefi i policisë Erik Akerlund. sa/