Shkup, 6 nëntor 2023 (MIA) - Ministria e Punëve të jashtme po bën përpjekje për t'i tërhequr tre shtetasit tanë të cilët ende ndodhen në Gazë. Bëhet fjalë për një çift bashkëshortor dhe një shtetas i cili është pjesë e organizatave ndërkombëtare humanitare në Gazë, por ai nuk tregon interesim për t'u larguar nga Gaza, informoi sot minsitri Bujar Osmani.

"Vlerësimi i sigurisë është në Izrael, në gazë dhe në Egjipt cilët njerëz mund ta kalojnë kufirin, e cilët jo. Deri më tani patëm leje të kalojë familja e parë e qytetarëve të vendit tonë e cila tashmë është në Shkup, po punojmë edhe më tej t'i bindim në mënyrë që të mund të dalë edhe çifti bashkëshortor. Është edhe një shetas i yni i cili është pjesë e organizatave ndërkombëtare humanitare, por ai nuk ka shfaqur interes për t'u larguar nga Gaza. Atpë e kontaktuam, por nuk ka inteeresim sepse është pjesë e organizatave humanitare në Gazë", tha Osmani në përjgigje të pyetjes së gazetarëve në brifingun e sotëm në QS "Boris Trajkovski" ku po mbahet Konferenca vjetore e OSBE-së.

Theksoi se për momentin është stopuar procedura për kalimin e shtetasve të huaj nga Gaza në Egjipt.

"Sot mora informatë se është bombarduar vendkalimi Rafah dhe përkohësisht është mbyllur për kalim nga të dy anët. Prandaj për momentin është stopuar e tërë procedura që shtetasit e huaj të mund të kalojnë nga Gaza në Egjipt", theksoi Osmani.

Përkujtoi se dje është tkauar me shtetasit e parë të vendit tonë që u larguan nga gaza - çiftin bashkëshortor dhe dy fëmijët të cilët tashmë kanë ardhur në Shkup.

"Dje u takova me familjen e cila u kthye nga Gaza. Përmes Egjiptit i kthyem në Shkup me ndihmën e Kombeve të bashkuara dhe i vendosëm me ndihmën e Minsitrisë së Punës dhe Politikës Sociale. Bëhet fjalë për një çift bashkëshortor dhe dy fëmijë", saktësoi Osmani. ab/ 

Foto: МIА/МIА arkivi