Shkup, 11 dhjetor 2025 (MIA) - Komisioni parlamentar për politikë sociale, demografi dhe rini sot votoi unanimisht Planin financiar të Agjencisë për mbikëqyrje të financimit kapital të sigurimit pensional për vitin 2026 dhe pëlqimin për Vendimin mbi shumën e tarifës mujore nga Agjencia për mbikëqyrje të financimit kapital të sigurimit pensional nga kompanitë e pensioneve për vitin 2026.

Përfaqësuesi i Agjencisë për mbikëqyrje të financimit kapital të sigurimit pensional, Mentor Jakupi theksoi se të ardhurat e planifikuara për vitin 2026 arrijnë 124 milionë e 500 mijë denarë, nga të cilat 112 milionë denarë janë nga tarifat nga kompanitë pensionale, katër milionë denarë nga tarifat administrative dhe të ardhura nga interesat në shumë prej 8 milionë e 500 mijë denarë.

Shuma e planifikuar e të ardhurave nga kompanitë e pensioneve prej 112 milionë denarë pritet të realizohet duke mbledhur një tarifë mujore nga kompanitë e pensioneve në shumën prej 0.6% të totalit të kontributeve të paguara në muajin paraprak në secilin fond të menaxhuar nga kompania e pensioneve. 

Sa i përket shpenzimeve, ato janë planifikuar të jenë 124. 225. 000, për më shumë qëllime, duke përfshirë furnizimin e softuerëve, organizimin e ngjarjeve për të rritur ndërgjegjësimin e qytetarëve me disa institucione dhe tjera.

Deputetët theksuan se Agjencia, si dhe të gjitha organet e tjera të pavarura duhet të jenë të kujdesshme në lidhje me shpenzimin e fondeve buxhetore. 

FOTO: arkivi