Shkup, 21 qershor 2023 (MIA) - Presidenti Stevo Pendarovski sot priti delegacionin e Grupit Parlamentar për miqësi pranë Parlamentit të Republikës së Francës, i cili po qëndron për vizitë në vendin tonë.

Siç kumtuan nga kabineti i presidentit, në takim u bisedua për përpjekjet për forcimin e bashkëpunimit bilateral ndërmjet dy vendeve në kuadër të dimensionit parlamentar, si dhe për mbështetjen e Francës në procesin e integrimeve evropiane të Maqedonisë.

Bashkëbiseduesit theksuan miqësinë dhe përparimin e marrëdhënieve të ndërsjella dhe përpjekjet franceze për hapjen e negociatave për anëtarësim të Maqedonisë së Veriut me Bashkimin Evropian.

-"Ata shkëmbyen mendime dhe informacione për negociatat për anëtarësim në BE, për procesin aktual të skriningut, si dhe për fazat e ardhshme që duhet të përfundojnë në kuadër të procesit për negociatat për anëtarësim të Maqedonisë në Bashkimin Evropian, njoftojnë nga Kabineti i Presidentit. ls/

Foto: Kabineti i Presidentit