Shkup, 21 nëntor 2023 (MIA) - Presidenti Stevo Pendarovski sot i pranoi letrat kredenciale të Do Hoang Long, ambasadorit të sapoemëruar të Republikës Socialiste të Vietnamit në Republikën e Maqedonisë së Veriut. 

Në fjalimin në ceremoninë e dorëzimit të letrave kredenciale, presidenti Pendarovski, siç njoftuan nga kabineti i tij, duke i uruar mirëseardhje të ngrohtë ambasadorit të Vietnamit në vendin tonë, theksoi se dy vendet e largëta i lidh miqësia e kahershme, ndërsa në memorien kolektive të popujve tanë miq, është skalitur thellë vlerësimi i paqes dhe stabilitetit, si parakushte kyçe për zhvillim.

Ai ka theksuar se Maqedonia e Veriut dhe Vietnami ofrojnë mbështetje dhe kontribut të tyre në bashkësinë ndërkombëtare, për promovimin e paqes dhe qëndrueshmërisë rajonale dhe globale. 

Presidenti ka vlerësuar se ekziston potencial i madh i pashfrytëzuar dhe i ndërsjellë për avancimin e bashkëpunimit mes të dyja vendeve, si në planin dypalësh, ashtu edhe në planin shumëpalësh. 

Ambasadori Do Hoang Long në fjalimin e tij ka theksuar se do të bëjë gjithçka që mundet që të kontribuojë për miqësinë dhe bashkëpunimin e frytshëm mes të dyja vendeve dhe ka shprehur pritshmëri për mbështetje dhe ndihmë nga institucionet e tona. 

Presidenti Pendarovski ambasadorit Do Hoang Long i ka dëshiruar sukses dhe fat në kryerjen e misionit të tij të çmuar dhe ka shprehur bindje se në kryerjen e detyrave të tij diplomatike do ta gëzojë mbështetjen tonë të plotë. fc/

Fotografia: Kabineti i presidentit të RMV-së