Shkup, 15 nëntor 2024 (MIA)- Gjatë 24 orëve të kaluara, NP “Higjiena Komunale” - Shkup pastroi sasi të mëdha të mbetjes nga deponitë e egra në komunat Gazi Babë, Aerodrom dhe Karposh të Shkupit.

Në stacionin e fundit të autobusit 45 në lagjen Çento u largua deponia e egër e gjerë  e përbërë prej përafërsisht 25 metra kub mbetje të vëllimshme, ndërtimore dhe organike të hedhura në mënyrë të paligjshme.

Janë larguar edhe 15 metra kub kryesisht mbetje ndërtimore dhe të vëllimshme të hedhura në sipërfaqe publike në rrugën Vasko Karangelevski në komunën Aerodrom.

Ekipet e Ndërmarrjes intervenuan edhe në disa lokacione në komunën Karposh, ku u pastruan 10 metra kub mbetje të hedhura në mënyrë të paligjshme në parkingun e qendrës sportive „Boris Trajkovski”, si dhe dy deponi të egra të vendosura në rrugët “Nikolla Parapunov” dhe “Jurij Gagarin” në afërsi të restorantit „Makedonska kuqa”.

Foto: NP "Higjiena Komunale"- Shkup