Parku argëtues pranë sallës "Boris Trajkovski" punon në mënyrë të paligjshme dhe do të hiqet, thonë nga MPB-ja
- Parku argëtues i cili në fundjavë filloi të vendoset në hapësirën e zbrazët pranë sallës "Boris Trajkovski" do të hiqet sepse funksionon në mënyrë të paligjshme, kumtoi Ministria e Punëve të Brendshme.
- Post By Lindita Sulejmani
- 16:33, 21 maj, 2024
![Parku argëtues pranë sallës](https://new.mia.mk/images/20240521163349_big_730x400_75.webp )
Shkup, 21 maj 2024 (MIA) - Parku argëtues i cili në fundjavë filloi të vendoset në hapësirën e zbrazët pranë sallës "Boris Trajkovski" do të hiqet sepse funksionon në mënyrë të paligjshme, kumtoi Ministria e Punëve të Brendshme.
Në kumtesën theksohet se Ministria e Punëve të Brendshme së bashku me Inspektoratitn Shtetëror të Tregut, Drejtorinë e të Ardhurave Publike dhe inspektorë ndërtimi të Komunës Karposh dje kanë kryer inspektim në vetë vendin, me ç'rast janë konstatuar parregullsi.
"Gjegjësisht, nga ana e shërbimeve inspektuese, pas ndërmarrjes së masave dhe aktiviteteve, është përpiluar procesverbal për gjendjen e konstatuar, kurse nga ana e inspektorit ndërtimor të autorizuar të Komunës Karposh është inicuar procedurë për parregullësitë e konstatuara, pas së cilës do të ndërmerren masa konkrete në drejtim të largimit të të njëjtave, ndërprerjes së aktivitetit, si dhe zhvendosjen e mbështetëseve", theksohet në kumtesën e MPB-së. ls/
Foto: Arkivi i MIA-s