Shkup, 4 gusht 2023 (MIA) - Përsëri është në funksion kuzhina në pushimoren e fëmijëve në Ohër, ku për shkak të helmimit të raportuar janë shkatërruar më shumë se 200 kilogramë ushqim.

Aksioni, siç tha për MIA-n, drejtori i Agjencisë së Ushqimit dhe Veterinarisë (AUV) Nikolçe Babovski, është realizuar nga 18 deri më 21 korrik.

"Ne shkatërruam produkte të qumështit, produkte të mishit, peshk, bukfalisht gjithçka që gjetëm që nuk ishte e sigurt. U konstatua kontaminim me baktere, si në sipërfaqe ashtu edhe tek punonjësit. Kuzhina u mbyll menjëherë, më 18 korrik. Mospërputhjet janë hequr dhe kuzhina në pushimoren është rikthyer në funksion, ndërsa ndaj operatorit ekonomik do të vijojë procedurë përkatëse", informon Babovski.

Në një bisedë për MIA-n që u publikua këto ditë, drejtori po ashtu zbuloi se që nga fillimi i vitit përmes shërbimit epidemiologjik të qendrave shëndetësore publike janë raportuar dhe hetuar pesë raste të dyshuara për helmim nga ushqimi. Në bazë të kontrolleve inspektuese të kryera, megjithatë, u konstatua një lidhje me helmimin nga ushqimi në një restorant (bakteret e izoluara të salmonelës në ushqim), për të cilën operatori u dënua me masën penale – gjobë. Për shkak të pranisë johigjienike dhe të përcaktuar të sipërfaqeve kontaktuese, objekteve dhe materialeve që bien në kontakt me ushqimin, ndaj kopshtit janë vendosur masa ndëshkimore nga brenda, ndonëse shkaku i helmimit nga ushqimi nuk është vërtetuar nga mjeku epidemiolog. Prania e baktereve stafilokoke në strishon nga duart e punonjësit dhe në mostrën e ushqimit është shkaktar i konfirmimit të helmimit nga ushqimi në një restorant në Shkup, ndërsa ndaj operatorit është shqiptuar masa ndëshkimore – gjobë. ls/

Foto: Arkivi i MIA-s