Tetovë, 20 dhjetor 2023 (MIA) - Komuna e Tetovës ka njoftuar se sot janë ndarë 17 dëftesa për persona të komunitetit rom, të cilët ende nuk e kanë përfunduar arsimin fillor. Marrja e arsimit për këta persona është pjesë e një projekti të financuar nga Instituti për kërkime për romët, Këshilli Evropian dhe është realizuar nga Njësiti projektues të komunitetit rom që vepron në kuadër të Komunës së Tetovës.

"Qëllimi i këtij projekti ishte që personat të pajisen me certifikatë të përfundimit të arsimit fillor, në mënyrë që të vazhdojnë me arsimin e mesëm. Në këtë mënyrë arsimi jo vetëm që zhvillohet, por njëkohësisht hapen dyert për punësime të reja. Së bashku do të punojmë për zhvillimin e komunitetit rom çdo ditë e më shumë", njoftuan nga Komuna e Tetovës.

Pjesë e aktiviteteve të Njësitit projektues të komunitetit rom, e cila punon në kuadër të Komunës së Tetovës, ishte edhe rindërtimi i rrugës "Jadranska", e cila ka përfunduar dhe sot është promovuar nga ana e kryetarit të komunës. Njëkohësisht po punohet edhe në rikonstruksionin e rrugës “Prohor Pçinski”. mb/

Foto: Komuna e Tetovës